Шұғыл жағдайда стоматологиялық қызмет балаларға, жүкті әйелдерге, ҰОС ардагерлеріне, зейнеткерлерге, мүгедектерге, «Күмiс алқа» және «Алтын алқа» иелеріне, атаулы әлеуметтік көмек алушыларға, инфекциялық, әлеуметтік мәні бар және қоршаған ортаға қауіп төндіретін аурулармен ауыратын науқастарға, мүгедек балаға немесе бірінші топтағы мүгедекке күтім жасайтын жұмыс істемейтін адамдарға тегін.
«Жоспарлы түрде тек жеткіншектер мен екіқабат келіншектер ғана қабылданады. Алматы облысы орталығында мұндай мүмкіндік 2 медициналық мекемеде бар. Бірі – Қонаевтың орталығында орналасқан жекеменшік нысан. Мұнда жеңілдік санатындағыларға терапиялық және хирургиялық қызмет көрсетіліп жатыр. Былтыр 9 мыңға тарта тұрғын қамтылған. Қала тұрғындарынан бөлек, аймақтың өзге аудандарының да азаматтары келіп ем қабылдай алады», — дейді стоматолог-дәрігер Айгерім Таубаева.
Стоматологиялық көмек алу үшін учаскелік дәрігердің жолдамасы қажет емес, тіс емханасы Әлеуметтік медициналық сақтандыру қорымен шарт жасасқан болуы керек.
